Agent Provocateur

Agent Provocateur -  xanımlar üçün alt paltarların məşhur London istehsalçısıdır. Mövcud olduğu müddət ərzində marka hisslərin provokasiyası, cazibə və şəhvətlə sinonimə çevrilmişdir.

Qeyri - adi alt paltarlarının istehsalı ideyasını Joe Corre və Serena Reese cütlüyü reallaşdırır. Agent Provocateur -ə məxsus ilk butik 1994-cü ildə, Londonun mərkəzi hissəsində, Soho adlı ticarət-əyləncə kvartalında fəaliyyətə başlayır. Qısa müddət ərzində fərqli dizaynlı alt geyimləri böyük alıcı kütləsinin rəğbətini qazanır.

1999-cu ildə şirkətin rəsmi saytı fəaliyyətə başlayır, və o, dərhal internet-auditoriyanın diqqətini cəlb edir. Növbəti il brend məhsul çeşidini genişləndirməyə qərar verir və Agent Provocateur adlı ilk ətrini istehsal edir. 2007-ci ildə brend eksklüziv çimərlik geyimlərinin debüt kolleksiyasını təqdim edir, məhsulların çeşidini daha da genişləndirərək, 2011-ci ildə isə bəzək əşyaları istehsalı ilə məşğul olur. 2013-cü ildən başlayaraq firma mağazalarının vitrinlərində günəş eynəkləri yer alır.

Agent Provocateur markasının fərqləndirici xüsusiyyəti, təqdim etdiyi məhsullarda hisslərin tam azadlığını vurğulamasıdır. Sözügedən brendin məhsulunu seçən hər bir qadın, özünü inamlı və arzuolunan, həyatı isə dolğun və maraqlı etməyə qadirdir.